Kaldbakur - 640 Húsavík
Atvinnuhús/ Ferðaiðnaður
25  herb.
876  m2
150.000.000

Borg fasteignasala kynnir til sölu: Ferðaþjónustufyrirtækið og frístundahúsabyggðina Kaldbakskot við Húsavík. Um er að ræða frístundahúsabyggð sem staðsett er í útjaðri bæjarins, um það bil 700 metra sunnan við þéttbýlið á Húsavík eða í  2 km fjarlægð frá miðbæ Húsavíkur.
 
Frístundabyggðin samanstendur af:
1. Fasteignin Kaldbakur  sem er einbýlishús ásamt útihúsum, auk 7.629 fm. leigulóðarréttinda, fastanúmer 215-3572.
2. 17 bjálkahúsum, sem voru flutt inn í einingum frá Eistlandi  auk  42.040 fm. leigulóðarréttinda á þremur aðskildum lóðum: Kaldbakskot fastanúmer 225-6172, Kotasæla fastanúmer 229-7349 og Gunnsteinsstaðir fastanúmer 226-7960

 
Nánar um eignirnar:
1. Fasteignin Kaldbakur  sem er einbýlishús ásamt útihúsum. Fasteignin Kaldbakur samanstendur samkvæmt fasteignaskrá af 231 fermetra einbýlishúsi  byggt árið 1958 og árið 1983 og 226 fermetra útihúsum, sem skiptast í Fjós, Mjólkurhús, Hlöðu, votheysgryfju og haughús. Fjósinu hefur verið breytt í setustofu/veitingaaðstöðu fyrir 25 til 30 manns. Þar er einnig svefnherbergi og snyrting með sturtu.  Í hlöðu er rúmgott þvottahús og aðstaða til þess að laga og bera fram morgunmat.  Stór og mikil verönd er fyrir framan veitingaaðstöðuna með fögru og víðáttumiklu útsýni. Íbúðarhúsið samanstendur af 200 fermetra íbúð og 30 fermetra viðbyggingu. Í íbúðinni eru fimm og hálft svefnherbergi , tvö rúmgóð baðherbergi, þvottahús, lítil geymsla, stórt eldhús og þrjár stofur, arinstofa, sólstofa og borðstofa. Yfir eldri hluta hússins er 70 fermetra geymsluloft undir súð. Í viðbyggingunni eru tvö herbergi, wc og móttaka fyrirfrístundahúsin.
Fasteignamat 30.329.000-,  brunabótamat 93.665.000-.
 
2. 17 bjálkahús, sem voru flutt inn í einingum frá Eistlandi.
A.  Kaldbakskot, fastanúmer 225-6172 mashlutar 1 ti 11
11 frístundahús tilheyra Kaldbakskoti skv. Skráningu í FMR
.
Húsin voru reist á árunum 2001 til 2003.  Níu þeirra eru 19,2 fm að stærð, með yfirbyggða 7 fermetra verönd. Þessi hús eru innréttuð sem stúdíóíbúðir með afhólfaðri svefnaðstöðu með tvöföldu rúmi, baðherbergi með sturtu, eldhúsaðstöðu og svefnsófa í stofurými. Tvö húsanna eru 18 fm að grunnfleti með svefnlofti á annarri hæð  yfir helmingi hússins og með yfirbyggðri 7 fermetra verönd. Þessi hús hafa sér svefnherbergi með tvöföldu rúmi, baðherbergi með sturtu, eldhúsaðstöðu , sófakrók og svefnloft þar sem 2 geta sofið. Húsin eru öll fullbúin húsgögnum og tækjum og öllum helstu þægindum, svo sem hitaveitu, heitu og köldu vatni, sturtu, salerni, sjónvarpi, eldunarhellum, örbylgjuofni, straubretti, hárþurrku , kíki og netbeini fyrir þráðlaust net.
 
Fasteignamat 41.800.000-,  brunabótamat 52.990.000-. Lóð 18.526 fermetrar.

B.   Kotasæla, fastanúmer 229-7349 matshlutar 1 til 3.
Kotasælu tilheyra þrjú 30 fermetra hús sem reist voru á árinu 2006.  Í þeim eru 2 svefnherbergi, baðherbergi og setustofa með eldhúskrók. Húsin eru öll fullbúin húsgögnum og tækjum, sbr. lýsingar hér ofar við Kaldbakskot.
Fasteignamat 20.300.000-,  brunabótamat 22.560.000-.  Lóð 22.612 fermetrar.
 
C.  Gunnsteinsstaðir, fastanúmer 226-7960 matshlutar 1 til 3
Gunnsteinsstaðir samanstanda af 3 samliggjandi bjálkahúsum sem voru reist árið 2003. Við hlið aðal hússins sem er 30 fm,  eru tvö 10 fm svefnhús með tveimur rúmum hvort..  Húsin eru með 15 fermetra yfirbyggðri verönd. Aðalhúsið er með svefnherbergi með tvöföldu rúmi, baðherbergi með sturtu, eldhúsaðstöðu og sófakrók. Allur búnaður er sá sami og í Kaldbakskoti en aukinheldur fylgir þessu húsi uppþvottavél. Svefnrými er fyrir 6 fullorðna í þessum þremur húsum.
 
Fasteignamat 7.700.000-,  brunabótamat 7.310.000-. Lóð 902 fermetrar.
 
Almenn lýsing á eigninni.
Frístundabyggðin er staðsett við tvær stórar tjarnir, sem eru affallsvatn frá Orkuveitu Húsavíkur. Silungsveiði er í tjörnunum. Mjög fjölskrúðugt fuglalíf er við vötnin og eru skráðar 97 fuglategundir. Þrír heitir pottar eru á svæðinu og eru þeir tengdir með göngustíg meðfram vatninu. Göngustígar liggja á milli allra húsanna og umhverfis vötnin og niður að ströndinni, með göngubrúm og bekkjum. Á Kaldbakskotalóðinni var árið 2007 reist grillhús með bekkjum og borðum bæði úti og inni. Á Kotasælulóðinni hefur verið reist stór bryggja með legukanti fyrir smábáta.  Þar voru einnig útbúnir fjórir handgerðir hólmar sem hafa aukið mjög fuglavarp við vötnin.

Hér er á ferðinni einstakt tækifæri til að eignast rótgróið og farsælt ferðaþjónustufyrirtæki á einum fjölsóttasta ferðamannastað Norðausturlands. Þessi eign bíður upp á mikla möguleika til vaxtar, svo sem með fjölgun frístundahúsa, veitingarekstur eða öðrum viðbótum við núverandi rekstur.
 
Allar nánari upplýsingar veita Böðvar Sigurbjörnsson löggiltur fasteignasali í síma 660-4777 / [email protected] eða Davíð Ólafsson löggiltur fasteignasali í síma 891-1533 eða [email protected]
 

TEGUND
Atvinnuhús
STÆRÐ
876 m2
HERBERGI
25 herb.
Stofur
0
Svefnherbergi
0
Baðherbergi
0
Inngangur
Sér
Byggingaár
1958
LYFTA
Nei
BILSKUR
NEI

Skilaboð hafa verið send.